[๓๗๙] ๑๐๘ ตโยเม ภิกฺขเว ธมฺมา กตเม ตโย กายทุจฺจริตํ วจีทุจฺจริตํ มโนทุจฺจริตํ อิเม โข ภิกฺขเว ตโย ธมฺมา อิเมสํ โข ภิกฺขเว ติณฺณํ ธมฺมานํ ปหานาย ตโย ธมฺมา ภาเวตพฺพา กตเม ตโย กายทุจฺจริตสฺส ปหานาย กายสุจริตํ ภาเวตพฺพํ วจีทุจฺจริตสฺส ปหานาย วจีสุจริตํ ภาเวตพฺพํ มโนทุจฺจริตสฺส ปหานาย มโนสุจริตํ ภาเวตพฺพํ อิเมสํ โข ภิกฺขเว ติณฺณํ ธมฺมานํ ปหานาย อิเม ตโย ธมฺมา ภาเวตพฺพาติ ฯ