TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

[199] Yaṃ 2- bhikkhave sīlavanto pabbajitā kulaṃ upasaṅkamanti tattha manussā pañcahi ṭhānehi bahuṃ puññaṃ pasavanti katamehi pañcahi yasmiṃ bhikkhave samaye sīlavante pabbajite kulaṃ upasaṅkamante manussānaṃ 3- disvā cittāni pasīdanti 4- saggasaṃvattanikaṃ bhikkhave taṃ kulaṃ tasmiṃ samaye paṭipadaṃ paṭipannaṃ hoti . yasmiṃ bhikkhave samaye sīlavante pabbajite kulaṃ upasaṅkamante manussā paccuṭṭhenti abhivādenti āsanaṃ denti uccākulikasaṃvattanikaṃ 5- bhikkhave taṃ kulaṃ tasmiṃ samaye paṭipadaṃ paṭipannaṃ hoti . yasmiṃ bhikkhave samaye sīlavante pabbajite kulaṃ upasaṅkamante manussā maccheramalaṃ paṭivinenti 6- mahesakkhasaṃvattanikaṃ bhikkhave taṃ kulaṃ tasmiṃ samaye paṭipadaṃ paṭipannaṃ hoti . yasmiṃ bhikkhave samaye sīlavante pabbajite kulaṃ upasaṅkamante manussā yathāsatti 7- yathābalaṃ saṃvibhajanti @Footnote: 1 Po. Ma. Yu. ananuvajjā ca . 2 Yu. yasmiṃ bhikkhave samaye . 3 Po. Ma. Yu. manussā. @ 4 Ma. Yu. pasādenti . 5 Ma. Yu. uccākulīna ... . 6 Yu. paṭivinodenti. @ 7 Yu. yathāsattiṃ. Mahābhogasaṃvattanikaṃ bhikkhave taṃ kulaṃ tasmiṃ samaye paṭipadaṃ paṭipannaṃ hoti . yasmiṃ bhikkhave samaye sīlavante pabbajite kulaṃ upasaṅkamante manussā paripucchanti paripañhanti dhammaṃ suṇanti mahāpaññāsaṃvattanikaṃ bhikkhave taṃ kulaṃ tasmiṃ samaye paṭipadaṃ paṭipannaṃ hoti . yasmiṃ bhikkhave samaye sīlavanto 1- pabbajitā kulaṃ upasaṅkamanti tattha manussā imehi pañcahi ṭhānehi bahuṃ puññaṃ pasavantīti.