TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā Dīghacārikavaggo tatiyo

[221] Pañcime bhikkhave ādīnavā dīghacārikaṃ anavatthacārikaṃ anuyuttassa viharato katame pañca assutaṃ na suṇāti sutaṃ na pariyodapeti 2- sutenekaccena avisārado hoti bāḷhaṃ 3- rogātaṅkaṃ phusati na ca mittavā hoti ime kho bhikkhave pañca ādīnavā dīghacārikaṃ anavatthacārikaṃ anuyuttassa viharato . pañcime bhikkhave ānisaṃsā samavatthacāre katame pañca assutaṃ suṇāti sutaṃ pariyodapeti sutenekaccena visārado hoti na bāḷhaṃ rogātaṅkaṃ phusati mittavā ca hoti ime kho bhikkhave pañca ānisaṃsā samavatthacāreti.