TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

[248] Pañcime bhikkhave ādīnavā manoduccarite katame pañca attāpi attānaṃ upavadati anuvicca viññū garahanti pāpako kittisaddo abbhuggacchati saddhammā vuṭṭhāti asaddhamme patiṭṭhāti ime kho bhikkhave pañca ādīnavā manoduccarite . Pañcime bhikkhave ānisaṃsā manosucarite katame pañca attāpi Attānaṃ na upavadati anuvicca viññū pasaṃsanti kalyāṇo kittisaddo abbhuggacchati asaddhammā vuṭṭhāti saddhamme patiṭṭhāti ime kho bhikkhave pañca ānisaṃsā manosucariteti.