TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

[374] 103 Cha bhikkhave ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhapetuṃ katame cha sabbasaṅkhāresu ca me nibbānasaññā 3- paccupaṭṭhitā bhavissati seyyathāpi ukkhittāsike vadhake sabbalokā ca me mano vuṭṭhahissati nibbāne ca santidassāvī bhavissāmi anusayā ca me samugghātaṃ gacchissanti kiccakārī ca bhavissāmi satthā ca pariciṇṇo bhavissati mettāvatāyāti ime kho bhikkhave cha ānisaṃse sampassamānena alameva bhikkhunā sabbasaṅkhāresu anodhiṃ karitvā dukkhasaññaṃ upaṭṭhapetunti.