TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

[35] Pañcime bhikkhave dāne ānisaṃsā katame pañca bahuno janassa piyo hoti manāpo santo sappurisā bhajanti kalyāṇo kittisaddo abbhuggacchati gihidhammā anapagato 5- hoti @Footnote: 1 Ma. sīhāti natthi . 2 Ma. Yu. yaso ca vaḍḍhati . 3 Ma. Yu. nandanaṃ. @ 4 Ma. Yu. ramanti sagge . 5 Yu. anapeto. Kāyassa bhedā parammaraṇā sugatiṃ saggaṃ lokaṃ upapajjati ime kho bhikkhave pañca dāne ānisaṃsāti. Dadamāno piyo hoti sataṃ dhammaṃ anukkamaṃ santo naṃ sadā bhajanti saññatā brahmacārayo te tassa dhammaṃ desenti sabbadukkhāpanūdanaṃ yaṃ so dhammaṃ idhaññāya parinibbātanāsavoti 1- .