TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

[385] 114 Tayome bhikkhave dhammā katame tayo asantuṭṭhitā asampajaññaṃ mahicchatā ime kho bhikkhave tayo dhammā imesaṃ kho bhikkhave tiṇṇaṃ dhammānaṃ pahānāya tayo dhammā bhāvetabbā katame tayo asantuṭṭhitāya pahānāya santuṭṭhitā bhāvetabbā asampajaññassa pahānāya sampajaññaṃ bhāvetabbaṃ mahicchatāya pahānāya appicchatā bhāvetabbā imesaṃ kho bhikkhave tiṇṇaṃ dhammānaṃ pahānāya ime tayo dhammā bhāvetabbāti.