TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā

[387] 116 Tayome bhikkhave dhammā katame tayo uddhaccaṃ asaṃvaro pamādo ime kho bhikkhave tayo dhammā imesaṃ kho bhikkhave tiṇṇaṃ dhammānaṃ pahānāya tayo dhammā bhāvetabbā katame tayo uddhaccassa pahānāya samatho bhāvetabbo asaṃvarassa pahānāya saṃvaro bhāvetabbo pamādassa pahānāya appamādo bhāvetabbo imesaṃ kho bhikkhave tiṇṇaṃ dhammānaṃ pahānāya ime tayo dhammā bhāvetabbāti. Tikavaggo paṭhamo. Tassuddānaṃ rāgaduccaritavitakka saññādhātūti pavuccati 1- assādaarati tuṭṭhi duve ca 2- uddhaccena vaggoti. ------- @Footnote: 1 Ma. Yu. vuccati . 2 Yu. dovaca ....