กุมฺภตฺเถนเกหีติ กุมฺเภ ทีปํ ชาเลตฺวา เตน อาโลเกน ปรฆเร ภณฺฑํ วิจินิตฺวา เถนกโจเรหิ. เสตฏฺฐิกา นาม โรคชาตีติ เอโก ปาณโก นาฬิมชฺเฌ คตํ ๒- กณฺฑํ วิชฺฌติ, เยน วิทฺธา กณฺฑา ๓- นิกฺขนฺตํปิ สาลิสีสํ ขีรํ คเหตุํ น สกฺโกติ. มญฺเชฏฺฐิกา ๔- นาม โรคชาตีติ อุจฺฉูนํ อนฺโต รตฺตภาโว.

มหโต ตฬากสฺส ปฏิกจฺเจว ปาฬินฺติ ๕- อิมินา ปน เอตมตฺถํ ทสฺเสติ:- ยถา มหโต ตฬากสฺส ปาฬิยา อพทฺธายปิ น ๖- กิญฺจิ อุทกํ ติฏฺฐเตว, ปฐมเมว พทฺธาย ปน ยํ อพทฺธปจฺจยา น ติฏฺเฐยฺย, ตมฺปิ ติฏฺเฐยฺย, เอวเมว เย อิเม อนุปฺปนฺเน วตฺถุสฺมึ ปฏิกจฺเจว อวีติกฺกมนตฺถาย ๗- ครุธมฺมา ปญฺญตฺตา, เตสุ หิ ๘-

@๔ ฉ.ม. มญฺชิฏฺฐิกา ๕ ฉ.ม. อาฬินฺติ