๖. ยสสุตฺตวณฺณนา

[๘๖] ฉฏฺเฐ มา จ มยา ยโสติ ยโส จ มยา สทฺธึ มา คญฺฉิ. อกสิรลาภีติ วิปุลลาภี. สีลปญฺญาณนฺติ สีลญฺเจว ปญฺญาณญฺจ. ๑- สงฺคมฺมาติ สนฺนิปติตฺวา. สมาคมฺมาติ สมาคนฺตฺวา. สงฺคณิกวิหารนฺติ คณสงฺคณิกวิหารํ. น หิ นูนเมติ น หิ นูน อิเม. ตถา หิ ปนเมติ ตถา หิ ปน อิเม. องฺคุลิปโฏทเกนาติ ๒- องฺคุลิปโฏทยฏฺฐึ กตฺวา วิชฺฌเนน. สญฺชคฺฆนฺเตติ ๓- มหาหสิตํ หสนฺเต. สงฺกีฬนฺเตติ เกฬึ กโรนฺเต.