๓. เมฆิยสุตฺตวณฺณนา

[๓] ตติเย จาลิกายนฺติ เอวํนามเก นคเร. ตํ กิร จลปงฺกํ ๕- นิสฺสาย กตตฺตา โอโลเกนฺตานํ จลมานํ วิย อุปฏฺฐาติ, ตสฺมา จาลิกาติ สงฺขํ คตํ. จาลิกาปพฺพเตติ

@๔ ฉ.ม. ปฏิเสวิตพฺพาทีนิ ๕ ฉ.ม. จลมคฺคํ โสปิ ปพฺพโต สพฺพเสตตฺตา กาฬปกฺขุโปสเถ โอโลเกนฺตานํ จลมาโน วิย อุปฏฺฐาติ, ตสฺมา จาลิกาปพฺพโตติ วุตฺโต. ตตฺถ มหนฺตํ วิหารํ การยึสุ. อิติ ภควา ตํ นครํ นิสฺสาย จาลิกาปพฺพตมหาวิหาเร วิหรติ. ชนฺตุคามนฺติ เอวํนามกํ อปรํปิ ตสฺเสว วิหารสฺส โคจรคามํ. ชตฺตุคามนฺติปิ ปฐนฺติ. ปธานตฺถิกสฺสาติ ปธานกมฺมิกสฺส. ปธานายาติ สมณธมฺมกรณตฺถาย. อาคเมหิ ตาวาติ สตฺถา เถรสฺส วจนํ สุตฺวา อุปธาเรนฺโต "น ตาวสฺส ญาณํ ปริปกฺกนฺ"ติ ญตฺวา ปฏิพาหนฺโต เอวมาห. เอกกมฺหิ ตาวาติ อิทํ ปนสฺส "เอวมยํ คนฺตฺวาปิ กมฺเม อนิปฺผชฺชมาเน นิราสงฺโก หุตฺวา เปมวเสน ปุน อาคจฺฉิสฺสตี"ติ จิตฺตมทฺทวชนนตฺถํ อาห. นตฺถิ กิญฺจิ อุตฺตรึ กรณียนฺติ จตูสุ สจฺเจสุ จตุนฺนํ กิจฺฉานํ กตตฺตา อญฺญํ อุตฺตรึ กรณียํ นาม นตฺถิ. กตสฺส วา ปฏิจโยติ กตสฺส ๑- วา ปุน ปฏิจโยปิ นตฺถิ. น หิ ภาวิตมคฺโค ปุน ภาวียติ, น ปหีนกิเลสานํ ปุน ปหานํ อตฺถิ. ปธานนฺติ โข เมฆิย วทมานํ กินฺติ วเทยฺยามาติ "สมณธมฺมํ กโรมี"ติ ตํ วทมานํ มยํ อญฺญํ กินฺนาม วเทยฺยาม.