10. Velāmasuttavaṇṇanā

[20] Dasame api nu te gahapati kule dānaṃ diyyatīti nayidaṃ bhagavā bhikkhusaṃghassa dinnadānaṃ sandhāya pucchati. Seṭṭhissa hi ghare bhikkhusaṃghassa niccaṃ paṇītadānaṃ

@2 cha.Ma. ayaṃ pāṭho na dissati 3 cha.Ma. vaṭṭetvā gacchati Diyyati, na taṃ satthā na jānāti. Lokiyamahājanassa pana diyyamānaṃ dānaṃ atthi, taṃ lūkhaṃ hoti, seṭṭhissa cittaṃ na pīṇeti. Taṃ pucchāmīti pucchati. Kaṇājakanti sakuṇḍakaṃ bhattaṃ, sakuṇḍakehipi kaṇikataṇḍuleheva pakkaṃ. Biḷaṅgadutiyanti kañjikadutiyaṃ. Asakkaccaṃ detīti asakkaritvā deti. Apacittiṃ katvā detīti apacittīkārena dakkhiṇeyye agāravena deti. Asahatthā detīti sahatthena adatvā parahatthena deti, āṇattimattameva karotīti attho. Apaviddhaṃ detīti na nirantaraṃ deti, chaḍḍetukāmo viya hutvā vammike godhaṃ pakkhipanto viya deti saṃvaccharikasoṇḍavalli viya hoti. Anāgamanadiṭṭhiko detīti na kammañca phalañca saddahitvā deti.