2. Anusayavagga

3. Kulasuttavaṇṇanā

[13] Dutiyassa tatiye nālanti na yuttaṃ nānucchavikaṃ. Na manāpenāti na manamhi appanakena ākārena nisinnāsanato paccuṭṭhenti, amanāpameva dassenti. Santamassa parigūhantīti vijjamānaṃpi deyyadhammaṃ etassa nigūhanti paṭicchādenti. Asakkaccaṃ denti no sakkaccanti lūkhaṃ vā hotu paṇītaṃ vā, asahatthā acittīkārena denti, no cittīkārena.