TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā

[183] 93 Aṭṭhime bhikkhave dhammā sekkhassa 1- bhikkhuno parihānāya saṃvattanti . katame aṭṭha . kammārāmatā bhassārāmatā niddārāmatā saṅgaṇikārāmatā indriyesu aguttadvāratā bhojane amattaññutā saṃsaggārāmatā papañcārāmatā . ime kho bhikkhave aṭṭha dhammā sekkhassa bhikkhuno parihānāya saṃvattanti.