TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā

[105] 15 Aṭṭhimāni bhikkhave malāni . katamāni aṭṭha asajjhāyamalā bhikkhave mantā anuṭṭhānamalā bhikkhave gharā malaṃ bhikkhave vaṇṇassa kosajjaṃ pamādo bhikkhave rakkhato malaṃ malaṃ bhikkhave itthiyā duccaritaṃ maccheraṃ bhikkhave dadato malaṃ malā bhikkhave pāpakā akusalā dhammā asmiṃ loke paramhi ca tato ca 3- bhikkhave malā malataraṃ avijjāparamaṃ malaṃ. Imāni kho bhikkhave aṭṭha malānīti. Asajjhāyamalā mantā anuṭṭhānamalā gharā malaṃ vaṇṇassa kosajjaṃ pamādo rakkhato malaṃ malitthiyā duccaritaṃ maccheraṃ dadato malaṃ malā ve pāpakā dhammā asmiṃ loke paramhi ca tato malā malataraṃ avijjā paramaṃ malanti. @Footnote: 1 Ma. purime ca . 2 Ma. pacchime ca . 3 Ma. casaddo natthi.