TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā

[128] 38 Sappuriso bhikkhave kule jāyamāno bahuno janassa atthāya hitāya sukhāya hoti mātāpitūnaṃ atthāya hitāya sukhāya hoti puttadārassa atthāya hitāya sukhāya hoti dāsakammakaraporisassa atthāya hitāya sukhāya hoti mittāmaccānaṃ atthāya hitāya sukhāya hoti pubbapetānaṃ atthāya hitāya sukhāya hoti @Footnote: 1 Ma. dānaṃ . 2 Sī. Yu. sukhette . 3 Sī. Yu. na ca . 4 Ma. vippaṭisārassa. Rañño atthāya hitāya sukhāya hoti devatānaṃ atthāya hitāya sukhāya hoti samaṇabrāhmaṇānaṃ atthāya hitāya sukhāya hoti . seyyathāpi bhikkhave mahāmegho sabbasassāni sampādento bahuno janassa atthāya hitāya .pe. Hoti evameva kho bhikkhave sappuriso kule jāyamāno bahuno janassa atthāya hitāya sukhāya hoti mātāpitūnaṃ atthāya hitāya sukhāya hoti puttadārassa atthāya hitāya sukhāya hoti dāsakammakaraporisassa atthāya hitāya sukhāya hoti mittāmaccānaṃ atthāya hitāya sukhāya hoti pubbapetānaṃ atthāya hitāya sukhāya hoti rañño atthāya hitāya sukhāya hoti devatānaṃ atthāya hitāya sukhāya hoti samaṇabrāhmaṇānaṃ atthāya hitāya sukhāya hotīti. Bahūnaṃ 1- vata atthāya sappañño gharamāvasaṃ mātaraṃ pitaraṃ pubbe rattindivamatandito pūjeti sahadhammena pubbe katamanussaraṃ anāgāre pabbajite apāpe brahmacārino 2- niviṭṭhasaddho pūjeti ñatvā dhamme ca pesalo rañño hito devahito ñātīnaṃ sakhīnaṃ hito sabbesaṃ sa 3- hito hoti saddhamme supatiṭṭhito vineyya maccheramalaṃ sa lokaṃ bhajate sivanti.