สุคติโย. อถโข ภิกฺขเว โลภเชน กมฺเมน โทสเชน กมฺเมน โมหเชน

กมฺเมน นิรโย ปญฺญายติ, ติรจฺฉานโยนิ ปญฺญายติ, ปิตฺติวิสโย

ปญฺญายติ, ยา วา ปนญฺญาปิ กาจิ ทุคฺคติโย"ติ ๒- เอวํ สญฺญาเปตพฺโพ. สเจ สญฺชานาติ. สญฺชานาตุ. โน เจ สญฺชานาติ, "คจฺฉ ปาโตว วิหารํ ปวิสิตฺวา ยาคุํ ปิวาหี"ติ อุยฺโยเชตพฺโพ.

อยมฺปิ โข คหปติ เอกธมฺโม สมฺมทกฺขาโตติ ๓- เอกธมฺมํ ปุจฺฉิเตน "อยํปิ เอกธมฺโม อกฺขาโต, อยํปิ เอกธมฺโม อกฺขาโต"ติ เอวํ ปุจฺฉาวเสน กถิตตฺตา เอกาทสปิ ธมฺมา เอกธมฺโม นาม กโต. อมตุปฺปตฺติอตฺเถน วา สพฺเพปิ เอกธมฺโมติ วตฺตุํ วฏฺฏติ.