๙. ปพฺพชฺชาสุตฺตวณฺณนา

[๕๙] นวเม ตสฺมาติ ยสฺมา เอวํ อปริจิตจิตฺตสฺส สามญฺญตฺโถ น สมฺปชฺชติ, ตสฺมา. ยถาปพฺพชฺชาปริจิตญฺจ โน จิตฺตํ ภวิสฺสตีติ ปพฺพชฺชานุรูเปน ๓- ปริจิตํ. เย หิ เกจิ ปพฺพชนฺติ นาม, สพฺเพ เต อรหตฺตํ ปตฺเถตฺวา. ตสฺมา ยํ จิตฺตํ อรหตฺตาธิคมตฺถาย ปริจิตํ วฑฺฒิตํ, ตํ ยถาปพฺพชฺชาปริจิตํ นามาติ เวทิตพฺพํ. เอวรูปํ โน จิตฺตํ ภวิสฺสตีติ เอวํ ๔- สิกฺขิตพฺพํ. โลกสฺส สมญฺจ วิสมญฺจาติ สตฺตโลกสฺส สุจริตทุจฺจริตานิ. โลกสฺส สมฺภวญฺจ ๕- วิภวญฺจาติ ตสฺเสว ๖- วุฑฺฒิญฺจ วินาสญฺจ,

@๓ สี.,ม. ยถาปพฺพชฺชานุรูเปน ๔ ฉ.ม. อยํ สทฺโท น ทิสฺสติ ๕ ฉ.ม. ภวญฺจ