@su. vi. 2/760/425 pa.sū. 1/148/346 2 Ma.mū. 12/148/107 mahāsīhanādasutta

@3 saṃ.ni. 16/34/58 dutiyañāṇavatthusutta 4-4 cha.Ma. anekāni ñāṇabalaṃ nāma Paṭijānāti upagacchati na paccakkhāti attani āropeti. Tena vuttaṃ "āsabhaṇṭhānaṃ paṭijānātī"ti.

Parisāsūti khattiyabrāhmaṇagahapatisamaṇacātummahārājikatāvatiṃsamārabrahmaparisa- saṅkhātāsu aṭṭhasu parisāsu. Sīhanādaṃ nadatīti seṭṭhanādaṃ nadati, abhītanādaṃ nadati, sīhanādasadisaṃ vā nādaṃ nadati. Tatrāyaṃ upamāyathāpi sīho sīhabalena samannāgato sabbattha visārado vigatalomahaṃso sīhanādaṃ nadati, evaṃ tathāgatasīhopi tathāgatabalehi samannāgato aṭṭhasu parisāsu visārado vigatalomahaṃso "iti sakkāyo"tiādinā nayena nānāvidhadesanāvilāsasampannaṃ sīhanādaṃ nadati. Tena vuttaṃ "parisāsu sīhanādaṃ nadatī"ti.