Sabbatthagāmininti sabbagatigāminiñca agatigāminiñca. Paṭipadanti maggaṃ. Yathābhūtaṃ pajānātīti bahūsupi manussesu ekameva pāṇaṃ ghātentesu "imassa cetanā nirayagāminī bhavissati, imassa tiracchānayonigāminī"ti iminā nayena ekavatthusmiṃpi kusalākusala- cetanā saṅkhātānaṃ paṭipattīnaṃ aviparītato sabhāvaṃ jānāti. Imassāpica ñāṇassa vitthārakathā "tattha katamaṃ tathāgatassa sabbatthagāminipaṭipadā yathābhūtaṃ ñāṇaṃ, idha tathāgato ayaṃ maggo ayaṃ paṭipadā nirayagāminīti pajānātī"tiādinā nayena abhidhamme āgatāyeva.

@3. abhi.vi. 35/810/412 dasakaniddesa 4 cha.Ma. sabbatthagāminiṃ paṭipadaṃ

@5 abhi.vi. 35/811/413 dasakaniddesa