TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā

[142] Ācayagāmiñca vo bhikkhave dhammaṃ desissāmi apacayagāmiñca taṃ suṇātha sādhukaṃ manasikarotha bhāsissāmīti . evaṃ bhanteti kho te bhikkhū bhagavato paccassosuṃ . bhagavā etadavoca katamo ca Bhikkhave ācayagāmī dhammo micchādiṭṭhi .pe. micchāvimutti ayaṃ vuccati bhikkhave ācayagāmī dhammo . katamo ca bhikkhave apacayagāmī dhammo sammādiṭṭhi .pe. sammāvimutti ayaṃ vuccati bhikkhave apacayagāmī dhammoti.