TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā

[149] Uppādetabbañca vo bhikkhave dhammaṃ desissāmi na uppādetabbañca taṃ suṇātha sādhukaṃ manasikarotha bhāsissāmīti . Evaṃ bhanteti kho te bhikkhū bhagavato paccassosuṃ . Bhagavā etadavoca katamo ca bhikkhave na uppādetabbo dhammo micchādiṭṭhi .pe. Micchāvimutti ayaṃ vuccati bhikkhave na uppādetabbo dhammo . Katamo ca bhikkhave uppādetabbo dhammo sammādiṭṭhi .pe. Sammāvimutti ayaṃ vuccati bhikkhave uppādetabbo dhammoti.