TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā

[150] Āsevitabbañca vo bhikkhave dhammaṃ desissāmi na āsevitabbañca taṃ suṇātha sādhukaṃ manasikarotha bhāsissāmīti . evaṃ bhanteti kho te bhikkhū bhagavato paccassosuṃ . bhagavā etadavoca katamo ca bhikkhave na āsevitabbo dhammo micchādiṭṭhi .pe. Micchāvimutti ayaṃ vuccati bhikkhave na āsevitabbo dhammo . katamo ca bhikkhave āsevitabbo dhammo sammādiṭṭhi .pe. sammāvimutti ayaṃ vuccati bhikkhave āsevitabbo dhammoti.