TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā

[137] Atthañca vo bhikkhave desissāmi anatthañca taṃ suṇātha sādhukaṃ manasikarotha bhāsissāmīti . evaṃ bhanteti kho te bhikkhū bhagavato paccassosuṃ . bhagavā etadavoca katamo ca bhikkhave anattho micchādiṭṭhi .pe. micchāvimutti ayaṃ vuccati bhikkhave anattho . Katamo ca bhikkhave attho sammādiṭṭhi .pe. sammāvimutti ayaṃ vuccati bhikkhave atthoti.