TIPITAKA Volume 24 : PALI ROMAN Sutta Pitaka Vol 16 : Sutta. Aṅ. (5): dasaka-ekādasakanipātā

[140] Sāvajjañca vo bhikkhave dhammaṃ desissāmi anavajjañca taṃ suṇātha sādhukaṃ manasikarotha bhāsissāmīti . evaṃ bhanteti kho te bhikkhū bhagavato paccassosuṃ . bhagavā etadavoca katamo ca bhikkhave sāvajjo dhammo micchādiṭṭhi .pe. micchāvimutti ayaṃ vuccati bhikkhave sāvajjo dhammo . katamo ca bhikkhave anavajjo dhammo sammādiṭṭhi .pe. sammāvimutti ayaṃ vuccati bhikkhave anavajjo dhammoti.