๔. จตุตฺถนิพฺพานปฏิสํยุตฺตสุตฺตวณฺณนา

[๗๔] จตุตฺเถ อถ โข ภควา เอตมฺถํ วิทิตฺวาติ ตทา กิร ภควตา อเนกปริยาเยน สนฺทสฺสนาทิวเสน นิพฺพานปฏิสํยุตฺตาย ธมฺมเทสนาย กตาย

@ขุ,มหา. ๒๙/๑๓๑/๑๑๑ (สฺยา) ๓ สี. สมยสทฺโท ๔ ม. อตฺถโตปิ เตสํ ภิกฺขูนํ เอตทโหสิ "อยํ ตาว ภควตา อมตมหานิพฺพานธาตุยา อเนกาการโวการํ อานิสํสํ ทีเปนฺเตน ๑- อนญฺญสาธารโณ อนุภาโว ปกาสิโต, อธิคมุปาโย ปนสฺสา น ภาสิโต, กถํ นุ โข ปฏิปชฺชนฺเตหิ อเมฺหหิ อยํ อธิคนฺตพฺพา"ติ. อถ ภควา เตสํ ภิกฺขูนํ เอตํ ยถาวุตฺตปริวิตกฺกสงฺขาตํ อตฺถํ สพฺพาการโต วิทิตฺวา. อิมํ อุทานนฺติ ตณฺหาวเสน กตฺถจิ อนิสฺสิตสฺส ปสฺสทฺธกายจิตฺตสฺส วีถิปฏิปนฺนวิปสฺสนสฺส อริยมคฺเคน อนวเสสโต ตณฺหาปหาเนน นิพฺพานาธิคมวิภาวนํ อิมํ อุทานํ อุทาเนสิ.