๓. เทวสทฺทสุตฺตวณฺณนา

[๘๒] ตติเย เทเวสูติ ฐเปตฺวา อรูปาวจรเทเว เจว อสญฺญเทเว จ ตทญฺเญสุ อุปปตฺติเทเวสุ. เทวสทฺทาติ เทวานํ ปีติสมุทาหารสทฺทา. นิจฺฉรนฺตีติ อญฺญมญฺญํ อลฺลาปสลฺลาปวเสน ปวตฺตนฺติ. สมยา สมยํ อุปาทายาติ สมยโต สมยํ ปฏิจฺจ. อิทํ วุตฺตํ โหติ:- ยสฺมึ กาเล ฐิตา เต เทวา ตํ กาลํ อาคมฺม นํ ปสฺสิสฺสนฺติ, ตโต ตํ สมยํ สมฺปตฺตํ อาคมฺมาติ. "สมยํ สมยํ อุปาทายา"ติ จ เกจิ ปฐนฺติ, เตสํ ตํ ตํ สมยํ ปฏิจฺจาติ อตฺโถ. ยสฺมึ สมเยติ ยทา "อฏฺฐิกงฺกลูปมา กามา"ติอาทินา ๕- "สมฺพาโธ ฆราวาโส"ติอาทินา ๖- จ กาเมสุ

@๓ สี. อปฺปมาณวิหาริโนติ ๔ สี. ปมาณกรธมฺมานํ