๕. พฺราหฺมณสุตฺตวณฺณนา

[๕] ปญฺจเม สาวตฺถิยนฺติ เอวํนามเก นคเร. ตํ หิ สวตฺถสฺส นาม อิสิโน นิวาสนฏฺฐาเน มาปิตตฺตา สาวตฺถีติ วุจฺจติ ยถา กากนฺที มากนฺทีติ. เอวนฺตาว อกฺขรจินฺตกา. อฏฺฐกถาจริยา ปน ภณนฺติ:- ยงฺกิญฺจิ มนุสฺสานํ อุปโภคปริโภคํ สพฺพเมตฺถ อตฺถีติ สาวตฺถิ. สตฺถสมาโยเค ๓- จ กิเมตฺถ ภณฺฑมตฺถีติ ปุจฺฉิเต สพฺพมตฺถีติปิ วจนํ อุปาทาย สาวตฺถีติ.

สพฺพทา สพฺพูปกรณํ สาวตฺถิยํ สโมหิตํ