ส สีลวา ปญฺญวา ธมฺมิโก สิยาติ.

ตตฺถ "น อตฺตเหตูติ: ปณฺฑิโต นาม อตฺตเหตุ วา ปรสฺส เหตุ วา ปาปํ น กโรติ. น ปุตฺตมิจฺเฉติ: ปุตฺตํ วา ธนํ วา รฏฺฐํ วา ปาปกมฺเมน น อิจฺเฉยฺย, เอตานิปิ อิจฺฉนฺโต ปาปกมฺมํ น กโรติเอวาติ อตฺโถ. สมิทฺธิมตฺตโนติ: ยา อตฺตโน สมิทฺธิ, ตํปิ อธมฺเมน น อิจฺเฉยฺย. สมิทฺธิการณาปิ ปาปํ น กโรตีติ อตฺโถ. ส สีลวาติ: โย เอวรูโป ปุคฺคโล, โส เอว สีลวา จ ปญฺญวา จ ธมฺมิโก จ สิยา. น อญฺโญติ อตฺโถ.

เทสนาวสาเน พหู โสตาปตฺติผลาทีนิ ปาปุณึสูติ.

ธมฺมิกตฺเถรวตฺถุ.