@คพฺภํ ธาเรติ สตฺตาหํ มูฬฺหคพฺภาติ ทิสฺสติ.

"ภิกฺขเว อิโต เอกนวุติกปฺเป วิปสฺสี ภควา โลเก อุปฺปชฺชิตฺวา เอกสฺมึ สมเย ชนปทจาริกํ จริตฺวา ปิตุ นครํ ปจฺจาคมาสิ. ราชา พุทฺธปฺปมุขสฺส ภิกฺขุสงฺฆสฺส อาคนฺตุกทานํ สชฺเชตฺวา นาครานํ สาสนํ เปเสสิ "อาคนฺตฺวา มยฺหํ ทาเน สหายกา โหนฺตูติ. เต ตถา กตฺวา "รญฺญา ทินฺนทานโต อติเรกตรํ ทสฺสามาติ สตฺถารํ นิมนฺเตตฺวา ปุนทิวเส ทานํ ปฏิยาเทตฺวา รญฺโญ สาสนํ ปหิณึสุ. ราชา อาคนฺตฺวา เตสํ ทานํ ทิสฺวา "อิโต อธิกตรํ ทสฺสามีติ ปุนทิวเส สตฺถารํ นิมนฺเตสิ. เนว ราชา นาคเร ปราเชตุํ สกฺขิ, น นาครา ราชานํ. นาครา ฉฏฺเฐ วาเร "เสฺวทานิ, ยถา `อิเมสํ ทาเน อิทนฺนาม นตฺถีติ น สกฺกา [๑]- วตฺตุํ; เอวํ ทานํ ทสฺสามาติ จินฺเตตฺวา ปุนทิวเส ทานํ ปฏิยาเทตฺวา "กินฺนุ โข เอตฺถ นตฺถีติ โอโลเกนฺตา อลฺลมธุเมว นาทฺทสํสุ. ปกฺกมธุ ปน พหุ อตฺถิ. เต อลฺลมธุสฺสตฺถาย จตูสุ นครทฺวาเรสุ จตฺตาริ สหสฺสานิ คาหาเปตฺวา ปหิณึสุ. อเถโก ชนปทมนุสฺโส คามโภชกํ ปสฺสิตุํ อาคจฺฉนฺโต อนฺตรามคฺเค มธุปฏลํ ทิสฺวา มกฺขิกา ปลาเปตฺวา สาขํ ฉินฺทิตฺวา สาขาทณฺฑเกเนว สทฺธึ มธุปฏลํ อาทาย "คามโภชกสฺส ทสฺสามีติ นครํ ปาวิสิ. มธุอตฺถาย คโต ตํ ทิสฺวา "อมฺโภ วิกฺกีณิยํ มธุนฺติ ปุจฺฉิ. "น วิกฺกีณิยํ สามีติ. "หนฺท อิมํ กหาปณํ คเหตฺวา เทหีติ. โส จินฺเตสิ "อิทํ มธุปฏลํ ปาทมตฺตํปิ นาคฺฆติ; อยํ ปน กหาปณํ เทติ,