"มา พาฬฺหํ ปริเทเวสิ, ขิปฺปํ พนฺธาหิ ภณฺฑกํ,

น ตุยฺหํ ชีวิตํ อตฺถิ, สพฺพํ คณฺหามิ ภณฺฑกนฺติ.

สา จินฺเตสิ "อโห อิทํ กมฺมํ ภาริยํ; ปญฺญา นาม น ปจิตฺวา ขาทนตฺถาย กตา, อถ โข วิจารณตฺถาย กตา; ชานิสฺสามิสฺส กตฺตพฺพนฺติ. อถ นํ สา อาห "สามิ ยทา ตฺวํ `โจโรติ คเหตฺวา นียสิ; ตทา อหํ มาตาปิตูนํ อาจิกฺขึ, เต สหสฺสํ วิสฺสชฺเชตฺวา ตํ อานาเปตฺวา เคเห กรึสุ, ตโต ปฏฺฐาย อหํ ตุยฺหํ อุปการิกา, อชฺช เม สุทิฏฺฐํ กตฺวา อตฺตานํ วนฺทิตุํ