ตํ สุตฺวา พฺราหฺมโณ สาธุการมทาสิ "สาธุ สาธุ คณาจริย คณเชฏฺฐก, ตุมฺเหว อตฺถญฺจ ชานาถ อนตฺถญฺจาติ. "เอวํ พฺราหฺมณ อตฺถานตฺถชานนโก นาม มยา สทิโส นตฺถีติ. อถสฺส สตฺถา อชฺฌาสยํ อุปธาเรตฺวา "พฺราหฺมณ เกน กมฺเมน ชีวสีติ ปุจฺฉิ. "ชูตกมฺเมน โภ โคตมาติ. "กึ ปน เต ชโย โหติ ปราชโยติ. "ชโยปิ ปราชโยปีติ วุตฺเต, "พฺราหฺมณ อปฺปมตฺตโก เอส, ปรํ ชินนฺตสฺส ชโย นาม น เสยฺโย; โย ปน กิเลสชเยน อตฺตานํ ชินาติ, ตสฺส ชโย เสยฺโย; น หิ ตํ ชยํ โกจิ ปราชยํ กาตุํ สกฺโกตีติ วตฺวา อนุสนฺธึ ฆเฏตฺวา

"อตฺตา หเว ชิตํ เสยฺโย, ยา จายํ อิตรา ปชา;

อตฺตทนฺตสฺส โปสสฺส นิจฺจํ สญฺญตจาริโน