ตตฺถ "สหสฺเสนาติ: สหสฺสปริจฺจาเคน. โย ยเชถ สตํ สมนฺติ: โย วสฺสสตํ มาเส มาเส สหสฺสํ ปริจฺจชนฺโต โลกิยมหาชนสฺส ทานํ ทเทยฺย. เอกญฺจ ภาวิตตฺตานนฺติ: โย จ เอกํ คุณวเสน วฑฺฒิตอตฺตานํ เหฏฺฐิมโกฏิยา โสตาปนฺนํ อุปริมโกฏิยา ขีณาสวํ ฆรทฺวาเร สมฺปตฺตํ กฏจฺฉุภิกฺขาทานวเสน วา ยาปนมตฺตาหารทานวเสน วา ถูลสาฏกทานมตฺเตน วา ปูเชยฺย, ยํ อิตเรน วสฺสสตํ หุตํ, ตโต สาเยว ปูชนา เสยฺโย เสฏฺฐา อุตฺตมาติ อตฺโถ.

เทสนาวสาเน โส พฺราหฺมโณ โสตาปตฺติผลํ ปตฺโต. อญฺเญปิ

พหู โสตาปตฺติผลาทีนิ ปาปุณึสูติ.

สารีปุตฺตตฺเถรสฺส มาตุลพฺราหฺมณวตฺถุ.