ตโต พหุํ อสฺสุชลํ อนปฺปกํ

ทุกฺเขน ผุฏฺฐสฺส นรสฺส โสจโต;

กึการณา อมฺม ตุวํ ปมชฺชสีติ. เอวํ สตฺถริ อนมตคฺคปริยายํ กเถนฺเต, ตสฺสา สรีเร โสโก ตนุตฺตมคมาสิ. อถ นํ ตนุภูตโสกํ ญตฺวา ปุน สตฺถา อามนฺเตตฺวา "ปฏาจาเร ปุตฺตาทโย นาม ปรโลกํ คจฺฉนฺตสฺส ตาณํ วา สรณํ วา เลนํ วา ภวิตุํ น สกฺโกนฺติ; ตสฺมา วิชฺชมานาปิ เต น สนฺติเยว, ปณฺฑิเตน ปน สีลํ วิโสเธตฺวา อตฺตโน นิพฺพานคามิมคฺคเมว โสเธตุํ วฏฺฏตีติ วตฺวา ธมฺมํ เทเสนฺโต อิมา คาถา อภาสิ

"น สนฺติ ปุตฺตา ตาณาย, น ปิตา, นปิ พนฺธวา,