@วิรุทฺธํ. สีหลิกยุโรปิยโปตฺถเกสุปิ อีทิสเมว โหติ. ๒. สี. เยเนว. สตฺถา เตสํ สทฺทํ สุตฺวา "กึ อิทนฺติ ปุจฺฉิตฺวา, "อิทนฺนามาติ อาโรจิเต, "น ภิกฺขเว อิโต ปฏฺฐาย ภิกฺขุนา นาม เอวํ กตฺตพฺพํ, โย กโรติ, อิทนฺนาม อาปชฺชตีติ ตลสตฺติกสิกฺขาปทํ ปญฺญาเปตฺวา "ภิกฺขเว ภิกฺขุนา นาม `ยถา อหํ; ตเถว อญฺเญปิ ทณฺฑสฺส ตสนฺติ; ยถา จ มยฺหํ; ตเถว เนสํ ชีวิตํ ปิยนฺติ ญตฺวา ปโร น ปหริตพฺโพ น ฆาเตตพฺโพติ วตฺวา อนุสนฺธึ ฆเฏตฺวา ธมฺมํ เทเสนฺโต อิมํ คาถมาห

"สพฺเพ ตสนฺติ ทณฺฑสฺส, สพฺเพสํ ชีวิตํ ปิยํ,

อตฺตานํ อุปมํ กตฺวา น หเนยฺย น ฆาตเยติ.