ตตฺถ นานาสกาติ: น อนาสกา, ภตฺตปฏิกฺเขโปติ อตฺโถ. ตณฺฑิลสายิกาติ: ภูมิสยนํ. รโชชลฺลนฺติ: กทฺทมเลปนากาเรน ๑- สรีเร สนฺนิจิตรโช. อุกฺกุฏิกปฺปธานนฺติ: อุกฺกุฏิกภาเวน อารทฺธวิริยํ. อิทํ วุตฺตํ โหติ "โย หิ มจฺโจ `เอวํ อหํ โลกนิสฺสรณสงฺขาตํ สุทฺธึ ปาปุณิสฺสามีติ อิเมสุ นคฺคจริยาทีสุ ยงฺกิญฺจิ สมาทาย วตฺเตยฺย, โส เกวลํ มิจฺฉาทสฺสนญฺเจว วฑฺเฒยฺย กิลมถสฺส จ ภาคี อสฺส; น หิ เอตานิ สุสมาทินฺนานิ อฏฺฐวตฺถุกาย กงฺขาย อวิติณฺณภาเวน อวิติณฺณกงฺขํ มจฺจํ โสเธนฺตีติ.

เทสนาวสาเน พหู โสตาปตฺติผลาทีนิ ปาปุณึสูติ.

พหุภณฺฑิกภิกฺขุวตฺถุ.