โส พฺราหฺมโณ โส สมโณ ส ภิกฺขูติ.

ตตฺถ อลงฺกโตติ: วตฺถาภรณปฏิมณฺฑิโต. ตสฺสตฺโถ "วตฺถาลงฺการาทีหิ อลงฺกโต เจปิ ปุคฺคโล กายาทีหิ สมญฺจเรยฺย ราคาทิวูปสเมน สนฺโต อินฺทฺริยทมเนน ทนฺโต จตุมฺมคฺคนิยาเมน นิยโต เสฏฺฐจริยาย พฺรหฺมจารี กายทณฺฑาทีนํ โอโรปิตตาย สพฺเพสุ ภูเตสุ นิธาย ทณฺฑํ, โส เอวรูโป พาหิตปาปตฺตา `พฺราหฺมโณติปิ สมิตปาปตฺตา `สมโณติปิ ภินฺนกิเลสตฺตา `ภิกฺขูติปิ วตฺตพฺโพเยวาติ.

เทสนาวสาเน พหู โสตาปตฺติผลาทีนิ ปาปุณึสูติ.

สนฺตติมหามตฺตวตฺถุ.