ตตฺถ นิมิตฺตโตติ เอวํ วุตฺตปฺปกาเร อิมสฺมึ ทฺวตฺตึสากาเร สฏฺฐีสตนิมิตฺตานิ โหนฺติ, เยสํ วเสน โยคาวจโร ทฺวตฺตึสาการํ โกฏฺฐาสโต ปริคฺคณฺหาติ. เสยฺยถีทํ? เกสสฺส วณฺณนิมิตฺตํ สณฺฐานนิมิตฺตํ ทิสานิมิตฺตํ โอกาสนิมิตฺตํ ปริจฺเฉทนิมิตฺตนฺติ ปญฺจนิมิตฺตานิ โหนฺติ. เอวํ โลมาทีสุ.

ลกฺขณโตติ ทฺวตฺตึสากาเร อฏฺฐวีสติสตลกฺขณานิ โหนฺติ, เยสํ วเสน โยคาวจโร ทฺวตฺตึสาการํ ลกฺขณโต มนสิกโรติ. เสยฺยถีทํ? เกเสสุ ๓- ถทฺธลกฺขณํ อาพนฺธตฺตลกฺขณํ ๔- อุณฺหตฺตลกฺขณํ สมุทีรณลกฺขณนฺติ จตฺตาริ ลกฺขณานิ โหนฺติ. เอวํ โลมาทีสุ.

@๓ ฉ.ม., อิ. เกสสฺส ๔ ฉ.ม., อิ. อาพนฺธน...