นายํ กาลมกาลํ วา อภิชานาติ กุกฺกุโฏติ อิมํ อกาลรวกุกฺกุฏชาตกํ ๑- วิตฺถาเรตฺวา "ภิกฺขเว ปรํ โอวทนฺเตน นาม อตฺตา สุทนฺโต กาตพฺโพ, เอวํ โอวทนฺโต หิ สุทนฺโต หุตฺวา ทเมติ นามาติ วตฺวา อิมํ คาถมาห

"อตฺตานญฺเจ ตถา กยิรา, ยถญฺญมนุสาสติ,

สุทนฺโต วต ทเมถ, อตฺตา หิ กิร ทุทฺทโมติ.

ตสฺสตฺโถ "ยถา ภิกฺขุ `ปฐมยามาทีสุ จงฺกมิตพฺพนฺติวตฺวา ปรํ โอวทติ, สยํ จงฺกมนาทีนิ อธิฏฺฐหนฺโต อตฺตานญฺเจ ตถา กยิรา, ยถญฺญมนุสาสติ. เอวํ สนฺเต สุทนฺโต วต ทเมถาติ: เยน คุเณน ปรํ อนุสาสติ เตน อตฺตนา สุทนฺโต หุตฺวา ทเมยฺย.