ตตฺถ "อุตฺติฏฺเฐติ: อุฏฺฐหิตฺวา ปเรสํ ฆรทฺวาเร ฐตฺวา คเหตพฺพปิณฺเฑ. นปฺปมชฺเชยฺยาติ: ปิณฺฑจาริกวตฺตํ หิ ปริหาเปตฺวา ปณีตโภชนานิ ปริเยสนฺโต อุตฺติฏฺเฐ ปมชฺชติ นาม, สปทานํ ปิณฺฑาย จรนฺโต ปน นปฺปมชฺชติ นาม. เอวํ กโรนฺโต อุตฺติฏฺเฐ นปฺปมชฺเชยฺย. ธมฺมนฺติ: อเนสนํ ปหาย สปทานํ จรนฺโต ตเมว ภิกฺขาจริยธมฺมํ สุจริตํ จเรยฺย. สุขํ เสตีติ เทสนามตฺตเมตํ: "[๑]- ภิกฺขาจริยธมฺมํ จรนฺโต ธมฺมจารี อิธ โลเก จ ปรโลเก จ จตูหิปิ อิริยาปเถหิ สุขํ วิหรตีติ อตฺโถ. น ตํ ทุจฺจริตนฺติ: เวสิยาทิเภเท อโคจเร จรนฺโต ภิกฺขาจริยธมฺมํ ทุจฺจริตํ จรติ นาม. เอวํ อจริตฺวา ตํ ธมฺมํ จเร สุจริตํ, น ตํ ทุจฺจริตํ จเร. เสสํ วุตฺตตฺถเมว.

เทสนาวสาเน ราชา โสตาปตฺติผเล ปติฏฺฐหิ. สมฺปตฺตานํปิ สาตฺถิกา เทสนา อโหสีติ.

สุทฺโธทนวตฺถุ.