"รตฺตสฺส หิ อุกฺกุฏิกํ ปทํ ภเว,

ทุฏฺฐสฺส โหติ สหสานุปีฬิตํ,

มุฬฺหสฺส โหติ อวกฑฺฒิตํ ปทํ,

วิวฏจฺฉทสฺส อิทมีทิสํ ปทนฺติ. อถ นํ พฺราหฺมโณ "โภติ มา วิรวิ, ตุณฺหีภูตา เอหีติ คจฺฉนฺโต สตฺถารํ ทิสฺวา "อยํ โส ปุริโสติ ตสฺสา ทสฺเสตฺวา สตฺถารํ อุปสงฺกมิตฺวา "สมณ ธีตรํ [๑]- ทสฺสามีติ อาห. สตฺถา "น เม ตว ธีตาย ๒- อตฺโถติ อวตฺวา "พฺราหฺมณ เอกํ เต การณํ กเถสฺสามิ, สุณิสฺสสีติ วตฺวา, "กเถหิ [โภ] สมณ, สุณิสฺสามีติ วุตฺเต, อภินิกฺขมนโต ปฏฺฐาย อตีตํ อาหริตฺวา ทสฺเสสิ: ตตฺรายํ สงฺเขปกถา: