"มหาสตฺโต รชฺชสิรึ ปหาย กณฺฐกํ อภิรุยฺห ฉนฺนสหาโย อภินิกฺขมนฺโต นครทฺวาเร ฐิเตน มาเรน "สิทฺธตฺถ นิวตฺตสฺสุ, อิโต เต สตฺตเม ทิวเส จกฺกรตนํ ปาตุภวิสฺสตีติ วุตฺเต, "อหํเปตํ มาร ชานามิ, น ปน เม เตน อตฺโถติ อาห. "อถ กิมตฺถาย นิกฺขมสีติ. "สพฺพญฺญุตญฺญาณตฺถายาติ. "เตนหิ สเจ อชฺชโต ปฏฺฐาย กามวิตกฺกาทีนํ เอกํปิ วิตกฺกํ วิตกฺเกสฺสสิ, ชานิสฺสามิ เต กตฺตพฺพนฺติ [อาห]. โส ตโต ปฏฺฐาย โอตาราเปกฺโข สตฺต วสฺสานิ มหาสตฺตํ อนุพนฺธิ. สตฺถาปิ ฉพฺพสฺสานิ ทุกฺกรการิกํ จริตฺวา ปจฺจตฺตํ ปุริสการํ นิสฺสาย โพธิมูเล สพฺพญฺญุตญฺญาณํ ปฏิวิชฺฌิตฺวา วิมุตฺติสุขํ ปฏิสํเวทยมาโน ปญฺจเม สตฺตาเห อชปาลนิโคฺรธมูเล นิสีทิ. ตสฺมึ สมเย มาโร "อหํ