อถ นํ สตฺถา "นายํ โมคฺคลฺลาน ตวตฺถาย พทฺโธ มาลาปุโฏ, อหํ หิ อสมธุโร, มม ธุรํ อญฺโญ วหิตุํ สมตฺโถ นาม นตฺถิ; อนจฺฉริยญฺเจตํ, ยํ อิทานิ มม ธุรํ วหิตุํ สมตฺโถ น ภเวยฺย; อเหตุกติรจฺฉานโยนิยํ นิพฺพตฺตกาเลปิ มม ธุรํ อญฺโญ วหิตุํ สมตฺโถ นาโหสิเยวาติ วตฺวา "กทา ปน ภนฺเตติ เถเรน ปุฏฺโฐ อตีตํ อาหริตฺวา

"ยโต ยโต ครุ ธุรํ ยโต คมฺภีรวตฺตนี,

ตทาสฺสุ กณฺหํ ยุญฺชนฺติ, สวาสฺสุ ตํ วหเต ธุรนฺติ อิทํ กณฺหอุสภชาตกํ ๑- วิตฺถาเรตฺวา ปุน ตเทว วตฺถุํ วิเสเสตฺวา ทสฺเสนฺโต