ตเถว สีลวนฺเตสุ คุณวนฺเตสุ ตาทิสุ

อปฺปเกปิ กเต กาเร ผลํ โตเสติ ทายกนฺติ. "กึ ปเนตสฺส ปุพฺพกมฺมนฺติ. โส กิร อนุรุทฺธตฺเถรสฺส อนฺโตคามํ ปิณฺฑาย ปวิฏฺฐสฺส อตฺตโน อาภตํ กฏจฺฉุภิกฺขํ ทาเปสิ, ตทสฺส ปุญฺญํ องฺกุเรน ทสวสฺสสหสฺสานิ ทฺวาทสโยชนิกํ อุทฺธนปนฺตึ กตฺวา ทินฺนทานโต มหปฺผลตรํ ชาตํ, ตสฺมา เอวมาห. เอวํ วุตฺเต สตฺถา "องฺกุร ทานํ นาม วิเจยฺย ทาตุํ วฏฺฏติ, เอวํ ตํ สุกฺเขตฺเต สุวุตฺตพีชํ วิย มหปฺผลํ โหติ; ตฺวํ ปน น ตถา อกาสิ, เตน เต ทานํ น มหปฺผลํ ชาตนฺติ อิมมตฺถํ

"วิเจยฺย ทานํ ทาตพฺพํ, ยตฺถ ทินฺนํ มหปฺผลํ;