อาตุเรสุ มนุสฺเสสุ วิหราม อนาตุรา.
สุสุขํ วต ชีวาม อุสฺสุเกสุ อนุสฺสุกา,
อุสฺสุเกสุ มนุสฺเสสุ วิหราม อนุสฺสุกาติ.
ตตฺถ "สุสุขนฺติ: สุฏฺฐุ สุขํ. อิทํ วุตฺตํ โหติ "เย คิหิโน สนฺธิจฺเฉทาทิวเสน, ปพฺพชิตา วา ปน เวชฺชกมฺมาทิวเสน, ชีวิตวุตฺตึ อุปฺปาเทตฺวา `สุเขน ชีวามาติ วทนฺติ: เตหิ มยเมว สุสุขํ วต ชีวาม, เย มยํ ปญฺจหิ เวเรหิ เวริเนสุ มนุสฺเสสุ อเวริโน, กิเลสาตุเรสุ [มนุสฺเสสุ] นิกฺกิเลสตาย อนาตุรา, ปญฺจกามคุณปริเยสเน อุสฺสุเกสุ [มนุสฺเสสุ] ตาย ปริเยสนาย อภาเวน อนุสฺสุกาติ. เสสํ อุตฺตานตฺถเมว.