นตฺถิ ขนฺธสมา ทุกฺขา, นตฺถิ สนฺติปรํ สุขนฺติ.

ตตฺถ "นตฺถิ ราคสโมติ: ธูมํ วา ชาลํ วา องฺคารํ วา อทสฺเสตฺวา อนฺโตเยว ฌาเปตฺวา ภสฺมมุฏฺฐึ กาตุํ สมตฺโถ ราเคน สโม อญฺโญ อคฺคิ นาม นตฺถิ. กลีติ. โทเสน สโม อปราโธปิ นตฺถิ. ขนฺธสมาติ: ขนฺเธหิ สมา. ยถา ปริหริยมานา ขนฺธา ทุกฺขา, เอวํ อญฺโญ ทุกฺโข ๑- นาม นตฺถิ. สนฺติปรํ สุขนฺติ: นิพฺพานโต อุตฺตรึ อญฺญํ สุขํปิ นตฺถิ. อญฺญํ หิ สุขํ สุขเมว, นิพฺพานํ ปน ปรมสุขนฺติ อตฺโถ.

เทสนาวสาเน กุมาริกา จ กุมารโก จ โสตาปตฺติผเล ปติฏฺฐหึสุ. ตสฺมึ ขเณ ภควา เตสํ อญฺญมญฺญํ ทสฺสนาการํ อกาสีติ.

อญฺญตรกุลทาริกาวตฺถุ.