อิทเมตํ ปฏิจฺจ วุตฺตนฺ"ติ. ๒-

อิธ ปน เยสํ จตุนฺนํ อนุโพธปฏิเวธโต ภวตณฺหาเฉโท ๓- โหติ, ยสฺมา ตานิ จตฺตาริ อริยสจฺจานิ อธิปฺเปตานิ. ยสฺมา วา อิมินา ปริยาเยน ภควตา พฺยากตํ สุพฺยากตเมว โหติ, ตสฺมา เถโร จตฺตารีติ ปจฺจนุภาสิตฺวา "อริยสจฺจานี"ติ วิสฺสชฺเชติ. ตตฺถ จตฺตารีติ คณนปริจฺเฉโท. อริยานิ สจฺจานีติ อริยสจฺจานิ, อริยานีติ ๔- อวิตถานิ อวิสํวาทกานีติ อตฺโถ. ยถาห:-

"อิมานิ โข ภิกฺขเว จตฺตาริ อริยสจฺจานิ ตถานิ อวิตถานิ

อนญฺญถานิ, ตสฺมา อริยสจฺจานีติ วุจฺจนฺตี"ติ. ๕-