ยสฺมา วา สเทวเกน โลเกน อรณียโต อภิคมนียโตติ วุตฺตํ โหติ, วายมิตพฺพยุตฺตฏฺฐานสญฺญิเต ๖- อเย วา อริยนโต, อนเย วา อนีริยนโต, สตฺตตึสโพธิปกฺขิยธมฺมสมาโยคโต วา อริยสมฺมตา พุทฺธปจฺเจกพุทฺธพุทฺธสาวกา เอตานิ ปฏิวิชฺฌนฺติ, ตสฺมาปิ "อริยสจฺจานี"ติ วุจฺจนฺติ. ยถาห:-

"จตฺตาริมานิ ภิกฺขเว อริยสจฺจานิ ฯเปฯ อิมานิ โข ภิกฺขเว จตฺตาริ

อริยสจฺจานิ, อริยา อิมานิ ปฏิวิชฺฌนฺติ, ตสฺมา อริยสจฺจานีติ วุจฺจนฺตี"ติ.