ส เว ธมฺมธโร โหติ, โย ธมฺมํ นปฺปมชฺชตีติ.

ตตฺถ "ยาวตาติ: ยตฺตเกน อุคฺคหณ ธารณ วาจนาทินา การเณน พหุํ ภาสติ, ตาวตา ตตฺตเกน ธมฺมธโร น โหติ, วํสานุรกฺขโก ปเวณิปาลโก นาม โหติ. อปฺปํปีติ: โย ปน อปฺปมตฺตกํปิ สุตฺวา ธมฺมมนฺวาย อตฺถมนฺวาย ธมฺมานุธมฺมปฏิปนฺโน หุตฺวา นามกาเยน ทุกฺขาทีนิ ปริชานนฺโต จตุสจฺจธมฺมํ ปสฺสติ, ส เว ธมฺมธโร โหติ. โย ธมฺมํ นปฺปมชฺชตีติ: โยปิ อารทฺธวิริโย หุตฺวา "อชฺช อชฺเชวาติ ปฏิเวธํ อากงฺขนฺโต ธมฺมํ นปฺปมชฺชติ, อยํปิ ธมฺมธโรเยวาติ อตฺโถ.

เทสนาวสาเน พหู โสตาปตฺติผลาทีนิ ปาปุณึสูติ.

เอกุทานตฺเถรวตฺถุ.