ตตฺถ "ปริปกฺโกติ: ปริณโต ๑- วุฑฺฒภาวํ ปตฺโตติ อตฺโถ. โมฆชิณฺโณติ: อนฺโต เถรกรณานํ ธมฺมานํ อภาเวน ตุจฺฉชิณฺโณ นาม. สจฺจญฺจาติ: ยมฺหิ ปน ปุคฺคเล โสฬสหากาเรหิ ปฏิวิทฺธตฺตา จตุพฺพิธสจฺจํ ญาเณน สจฺฉิกตตฺตา นววิโธ โลกุตฺตรธมฺโม จ อตฺถิ. อหึสาติ อหึสนภาเวน ๒- เทสนามตฺตเมตํ. ยมฺหิ ปน จตุพฺพิธาปิ อปฺปมญฺญาภาวนา อตฺถีติ อตฺโถ. สญฺญโม ทโมติ: สีลญฺเจว อินฺทฺริยสํวโร จ. วนฺตมโลติ: มคฺคญาเณน นีหตมโล. ธีโรติ: ธิติสมฺปนฺโน. เถโรติ: โส อิเมหิ ถิรภาวกรเณหิ สมนฺนาคตตฺตา `เถโรติ ปวุจฺจตีติ อตฺโถ.

เทสนาวสาเน เต ภิกฺขู อรหตฺเต ปติฏฺฐหึสูติ.

ลกุณฺฏกภทฺทิยตฺเถรวตฺถุ.

๕. สมฺพหุลภิกฺขุวตฺถุ. (๑๙๗)